احسن النكت المغربية2010 --] , موت من الضحك...

بسم الله الرحمان الرحيم

اليوم اقدم لكم 29 من احسن و اروع النكت المغربية من اختياري و انتقائي .

لن اطول عليكم الكثير من الوقت .

اليكم النكت :

1 :

2 : واحد الولد سول ماماه: ماما، أشنو كيعني ملاك؟
قالت ليه ماماه: الملاك مخلوق من نور وكيطير.
قال ليها الولد: وعلاش قال بابا للسكريتيرة ديالو يا ملاكي؟
قالت ليه ماماه: ما ديرش ف بالك، من غدا غادي تطير

3 : هادا واحد عندو واحد الكتكوت مفترس. كيديرو مع الدجاج كياكل ليه الدجاج. دارو مع الحوالا خرج ليه على الحوالا. دارو مع البقر، لقاه فرتك ليه البقر. الراجل طلع ليه الدم وهي يدي داك الكتكوت رماه ف الصحرا
مللي دازو 3 ايام، الراجل بقى فيه الكتكوت قال يمشي يطل عليه. مللي وصل للصحرا لقاه مرمي ف الرملة والنسور كيحومو عليه. جرا عندو الراجل وقال ليه: مييييمتي الكتكوت ديالي مات
قال ليه الكتكوت : الله يعطيك الويل خرجتي ليا على البلان

4 : هادا واحد عندو تلاتة د الشعرات ف راسو. مشى عند الحلاق وقال ليه: دير ليا فرقة من الجنب
الحلاق جا يدير ليه الفرقة من الجنب تقطعات ليه واحد الشعرة
قال ليه الراجل: واخا دي ليا الفرقة ف النص
الحلاق جا يدير ليه الفرقة ف النص تقطعات ليه شعرة أخرى
قال ليه الراجل: عرفتي أشنو تدير؟ دير ليا تشويكة

5 : هادا واحد مبوق وصل حدا البوتو ديال الضو وبدا يدق يدق يدق، يصحاب ليه واش دارهم
جا عندو واحد آخر مبوق كتر منو، قال ليه: أشنو كدير أصاحبي؟
قال ليه المبوق اللول: كندق على دارنا وحتى واحد ما حل ليا
طلع المبوق لاخور راسو وهو يقول لصاحبو: إيوا العجب... راهوم شاعلين الضو زعما

6 :

7 : واحد مكلخ كان كيصبغ الحيط ف دارهوم. قالو ليه: إيوا بعدا على الأقل دير جرنان تحت منك
قال ليهم المكلخ: لا بلاش، راني طويل

8 : واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبو العدول دابا

9 : واحد مكلخ قال لصاحبو: البارح ما نعستش مزيان ف التران
قال ليه صاحبو: وعلاش؟
قال ليه المكلخ: لحقاش كنت ناعس ف البلاصة الفوقانية
قال ليه صاحبو: وعلاش ما تبادلتيش مع مول البلاصة التحتانية؟
قال ليه المكلخ: حيت كانت خاوية وماكانش فيها حتى واحد باش نتبادل معاه

10 : الفروج قال للدجاجة: أشنو فايدة اللي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش

11 : هادي واحد المرا طيبات لراجلها النهار اللول ملوخية
النهار التاني طيبات ليه خبيزة
النهار التالت طيبات ليه السبانخ
النهار الرابع سولات راجلها: أشنو نطيب ليك اليوم؟
قال ليها: أبلا ما تعدبي راسك، غادي نمشي نسرح بوحدي

12 :
13 : هدا واحد الدري قال لصاحبو: علمني كيفاش نتصاحب
قال ليه صاحبو: ساهلة. هز حجرة صغيرة وضربها بيها. وإيلا دارت عندك قول ليها ما نتصاحبوش أ الزين
الغد ليه هز الدري حجرة قدها قد آش وضرب بيها بنت وهي تفلق وتسخف. تجمعوا عليها عباد الله، و هو يجي خينا يجري: أحيدوا راه أنا اللي صيدتها

14 : واحد ميكانيكي بغا يضحك مع مرتو، ناض قرصها بالبانس

15 : هادا واحد مشى للسوق وشرا دلاحة
منين حلها خرج ليه عفريت وقال ليه: طلب وتمنى
قال ليه الراجل: بغيت دار
قال ليه العفريت: ما لقيتها حتى أنا اللي ساكن ف دلاحة

16 : واحد سول صاحبو: أشنو سمية رونالدينو؟
قال ليه: سميتو صالح
سولو صاحبو: وكيفاش عرفتيها؟
قال ليه: سمعت المديع ف الماتش قال خطأ لصالح رونالدينو

17 : هادا واحد تعرف على واحد البنت وقالت ليه عطيني النمرة د التلفون. هو يقول ليها: أو! بدينا بالطلبات من دابا؟

18 : واحد مبوق طاح من فوق العمارة وتجمعات عليه الجوقة
سولوه الناس: أشنو وقع؟
قال ليهم: ما عرفتش، أنا يالله جيت

19 : هادا واحد حول تسجل ف الجيش... ناضوا حطوه ف قسم القصف العشوائي

20 : هادا واحد مبوق جالس ف القهوة مع الدراري كيتفرجوا ف ماتش مباشر
الناس داخلين مع الماتش غوتو: دابا يتماركا البيت اللول، وفعلا تماركا
شوية ناضو تاني: دابا يتماركا البيت التاني، وشوية تماركا البيت
خينا اللي مبوق طلع ليه الدم وهي يقول ليهم: خوتي، اللي فايت ليه شاف الماتش يسكتنا الله يرحم بّاكم

21 : واحد مبوق حيد جلابتو وعلقها. شوية وهي تطيح هاديك الجلابة، وهي يقول مع راسو: الحمد لله مللي ما كنتش فيها

22 : هادا واهد الراجل كريم بزاف، تجوج بواحد لمرا كريمة بزاف بزاف بزاف، كتار منو. و مللي ولدوا و هوما يصدقوه

23 : هادو جوج مبوقين مخاطرين على مش... واش نيت مش أولا مشة
داز واحد مبوق كتر منهم و هوما يسولوه. قال ليهم: ساهلة! نضربو بحجرة. إيلا هرب هي مش، و إيلا هربات هي مشة

24 :

25 : هادا واحد المعكاز، سولوه: مللي كتفيق، أشنو كتدير؟، قال ليهم :كانتكّى

26 : هادا واحد مول الطاكسي مبوق مزيان غادي ف المدينة و هي تشير عليه واحد المرا. وقف و طل عليها من الشرجم و قال ليها: فين غادية أ لالة؟
قالت ليه: السوق أ سيدي
هو يقول ليها: يالله سيري و متعطليش

27 : واحد المعلم ضرب واحد الولد كيقرى عنده و قال ليه: راه غير عزيز عليا، داكشي علاش كنضربك إيلا ما درتيش التمارين
قال ليه الولد: كون غير قدرت نبادلك نفس الشعور

28 : هادا واحد مولف يتعشى ببيضة وحدة. واحد النهار قالت ليه مرته: اليوم درنا البيض و ماطيشة
و هو يقول ليها: آرا برع! جوج عشاوات

29 : هادو رباعة ديال المكلخين ف الجامعة كيكتبوا داكشي اللي كيكتبه الأستاد ف السبورة. منين كيمسح الأستاد السبورة، كيقطعوا هوما الورقة


اشكر كل من مر من هذا الموضوع
تحياتي لكم AwrDj

لا تنسوا الردود